Гулжаҳон Мардонова ўзи таҳсил олган 6-мактабда 11-синфни тамомлаб талаба бўлган ёшларга “Омон Мардонов” номидаги йилда бир марталик пул мукофотини жорий қилди. 6-мактабдаги “Биринчи қўнғироқ” тадбирида иштирок этган Гулжаҳон Мардонова 13 нафар талаба бўлган ёшлар орасидан ана шундай ғолибларни тақдирлади.

Суҳбат асосида аниқланган 1-, 2- ва 3 даражали мукофот эгалари ва уларнинг ота-оналари пул, китоб ва дипломларни қабул қилиб олди. Тадбир давомида мактабнинг уч нафар фаол, ташаббускор ўқитувчилари ҳам ушбу мукофот соҳибларига айланди.

-Келгусида мукофот нуфузини янада ошириб бориш ниятидаман, — дейди Г.Мардонова. Имконим борича таълимга, илмга сармоя киритишда давом этаман ва бу талабалар олий ўқув юртларида ҳам эътиборимда бўлади. Уларнинг талабалик давридаги фаоллиги ва ташаббускорлиги ҳам рағбатлантирилади.